18/03/2021

Hızne Qıryaqos nqilo ma hayani bi mdito di Qamışli

Hızne Qıryaqos b’sobutho tawto nqilo ma hayani bi mdito d’Qamışli bu athro d’Suriya b’cımro d’83 eşne.

 Mnohto Hızne i qaşyo di hwarthaydan Simel Samuel’yo dkıtyo i mşalonitho zawgoyto d’Suroyo TV bi Gozarto, wi hılto kıtlaste 2 nubğe dkıtne mşale b’darğo celoyo bu Sutoro.

İmhasayto Hızne Qıryaqos mi celtho du kewo dqayıthla, athmıl b’sobutho tawto nqilo ma hayani bi Qamışli. İ hılto Hızne mawlıdowa bi mdito d’Omid b’Turkiya ban 1938. Mzawğowa camu mhasyo Serob Samuel, u hawila 3 nacime, 2 abne u bartho dışmaye Sarkis, Hıraj u Ayda.

İ mhasayto Hızne kıtla 4 ahnone u hotho Cabdılnur u Şıkri Qıryaqos dınqili ma hayani, Samuel, Sacid u Meryam. İmnohto i qaşto di hwarthaydan Simel Samuelyo dkıtyo i mşalonitho zawgoyto d’Suroyo TV bi Gozarto, u kıtlaste 2 nubğe Akad u Serabyon Samuel dkıtne mşale b’darğo celoyo ba hayle du Sutoro.

Adyawma sim u zawho du cufoyayda bi cito d’Mor Yahqub Nsibinoyo da Suryoye Orthodoksoye bi Qamışli. İ slutho du cufoyo dımrayşınole xuroyo Şamcun İbrahim, mıştawtaflela’ste menyono celoyo mu ahıl uma qariwe. İ slutho du çınnaz dcali ruho di mhasayto Hızne Qıryaqos, ramhıl bi şuctho da tmone u falge dsafrayto bi cito d’Mor Yahqub b’Qamışli gıdmisomo.

Check Also

Taşdaryotho me Suriya matın l’Amerika leşan dhudri bu knuşyo da 76 du Mawtbo Gawonoyo d’Emwotho Mhaydotho

Taşdaryotho frişe me Suriya, matın l’Amerika leşan dhudri bu knuşyo da 76 du Mawtbo Gawono…