17/08/2020

Hjim cal hotel b’Somalya

Bi erışkoyto d’Somalya noşe dı latyo ihiyoyuthathe idıcto mfarqaclın radayto bgawe du bınyono dıha hotel dkıtwe qariwo lu yamo.

Bu furqoco dhawi calu hotel lfuth imawdconutho dıfriso bu noquso 17 farsufe mwayaclın a hayathe u 26 mjarhi.

Lfuth u tboco froso du athro d’Somaliya mfarqıc radayto calu bınyono dıha ma hotele dkito ebe socure du bıtlono qaytoyo, bıthır mıd mfarqco i radayto a farsufe dktweyne bi radayto cabiri lu hotel u marıslın cala haylawotho di mşaynutho dkıtweyne bi noturutho du hotel.

Lfuth imawdconutho  qamayto dıfriso zıtır me 17 farsufe mwayaclın ahayathe u zıttır me 28 mjarhi. Ba fulhone dsımlın ahaylawotho di mşaynutho mhararlın zıttır me 200 farsufe.

Bi mawdconutho dıfriso bıthır mawdıc du tukoso d’Alşabab mıdlın imşalutho du furqocano cal ruhaye.