18/06/2021

HNB bi cohnutho da 21 eşne di mşatsonutho d’MUB frısle buyono

Ba mele ‘Brixo u yubolo du Mawtbo Umthoyo d’Bethnahrin’ kımşare u buyono dfrısle u Huyodo da Neşe d’Bethnahrin, bi cohnutho da 21 eşne di mşatsonutho d’MUB.

Bu buyonano HNB mırle; Cami nfaqto d’MUB ftih warqo hathto lu camaydan uli umthaydan. Bi falsafe di hirutho mhalqi dawsat rabe, u MUB mathele u camaydan ba platforme d’britho.

Bu şuroyo du buyono dfrısle u Huyodo da Neşe d’Bethnahrin, kımhane i mşatsonutho d’MUB, du rişonayde hawro Mikhael Naim Hadodo, da hawrotho uda hawrone du ağuno wu howe u yawmano brixo lkulle. HNB komır, Cami nfaqto d’MUB ftih warqo hathto lu camaydan uli umthaydan. Bi falsafe di hirutho mhalqi dawsat rabe, u MUB mathele u camaydan u Suryoyo Kaldoyo Othuroyo Oromoyo ba platforme u maşmacle qole lu ray dbritho. Hule yuqro lu mafhum di hdoyutho umthoyto, hule ağuno lu tworo di zıhniye di flighutho dıkxolıq u bcelıdbobo.

HNB mırle Bi nfaqto d’MUB xliq şaxsiye hathto dıktulbo a zedqe du camaydan, u dıksaymo rişutho praktiki li umtho. İ athto du camaydan fayişo dışt xıd ğenso u dlo sebyono, u latwola duktho beyn du kensho. Miharwo eba bdarğo trayono aw metroyowa bu plan haroyo. Idicoyo elayna i athto’yo mdabronitho di iqartho, kınufqo moro li mardutho, hdınla i tawditho Mşihoyto, elo kmitankır u tacbayda u bu kensho u beyn du camo. Bi falsafe du rişono d’MUB xliq zıhniye hathto li athto du camaydan u mşatıs HNB leşan i hirutho wi şawyutho di athto.

HNB mırle; Hano hawi şuşoto rabo li athto du camaydan wa hadımyotho d’HNB mıdde duktho bi rişutho d’MUB uba şutosayde’ste, mşakıl u system da rişone zawgoye. Bezabno matyo i athto l’darğo dmaydo duktho bu haqlo folhoyo, mharabla ba gbine du qrobo. Xıd neşe, gado raboyo dmathlina u ğensaydan ba ferce u şutose du Mawtbo, u dımathlina u camaydan wa zedqeyde ba platforme kulle. Bu huthomo kımhanena u yawmo şatonoyo di mşatsonutho d’MUB dkobe ağuno umthoyo di hirutho, u kımmina howe brixo lu camaydan u dilonoyo li athto du camaydan.

Tihe Mawtbo Umthoyo d’Bethnahrin

Tihe Hawro Mikhael

Tihe Huyodo da Neshe d’Bethnahrin

Check Also

İ sictho du hulmono di mdabronutho yothoyto hula mawduconutho rwıhto calu kewo di Corona

Tmınyo farsufe mayithi mi celtho du virus d’Corona, u zıd me 500 hrene tafilın u kewo ba f…