HNB TURGOMO QTOLCAME SAYIDIT ALNAJAT- BAĞDEDE

U turgomano mşarele b’qatinto d’şetqo cali ruho da sohde du camaydan udilonoyith a’sohde d’Bağdede udi cito d’Sayıdıt Alnajat d’Boğdod. Bıthır mathe tarte şamışyotho malfınyotho Salwa u Maha maşmaclın qole citonoye la hadire camu nqoşo di musiqi.

İ mşalonitho gawonoyto d’HNB Ninwe Rucyo bu mamlayda kalyo calu qatlo barbroyo dhawi bi cito d’Sayıdıt Alnajat bi şato da 2010 dkıtwole nişo dmitazıc u camaydan laşan dımgalwın mu athrayde, u mdawamla Ninwe u tehkiyo calu yuqdono dhawi bu salon da mıştawotho d’Bağdede.

Ninwe bu mamlayda kalyo calu teqwiyo da fulhone du ağuno umthoyo udilonoyith grışla u zuhoro cali methtaksonutho da neşe du camaydan.

Camgabıdathe, i mşalonitho d’HNB u wahdo d’Urifi Tibelia Arun mahkela calu cnufyo dkowe cala neşe gawonoyith ucala neşe du camaydan dilonoyith. Arun bu mamlayda mahkela cali ulsoyutho dhınne xıd neşe dıklozım dmaqwın i şaxsiyaththe laşan dnıfqi mqabıl du cnufyo dkowe calu ğensaththe, u mırla “in ahna dlomtaksina ruhayna layban nıtrina mu ğenso da gabre dsındilan udhowe şawyutho bayn elan u alle”.