HOLLANDA: 6 amnore Suryoye ftıhlın beth gloho da rshome camıhdode b’Hengelo

HENGELO, Hollanda – 6 amnore u rahsome man abne du cameydan dkıtne, Miray Barsouma, Barsoum Barsouma, Habib Gouriya, Jack Eliya, Hamourabi Soumi u George Miro; ftıhlın methhawyonutho da rshome camıhdode. U hudro d’Mor Circis di Hasake dımhadarle i methhawyonuthathe, u benyoneydan d’Suroyo TV dkıtyo bi mditho d’Hengelo sımle baytoyutho ela.

Athmıl casriye bi meshtawtfonutho dba casrowat dbnaynosho man abne du cameydan u Hollandoye, sim ufutoho di methhawyonutho.

Amnoro u rashomo myaqro Habib Gewriye dmıjğele calışme da rashome uda amnore hawroneyde dmıdlın duktho bi methhawyonuthathe, sımle ufutoho u mqadamle tawdyotho la hadire kulle.

Calışme du hudro d’Mor Cırcıs myaqro Doumat Tuma’stene bu mamleyde, mqadamle tawdyotho la shutose, la hudre ula meshtawtfone kulle udilonoyithstene lu benyono d’SuroyoTV d’Hengelo dsımle baytoyutho li methhawyonuthathe. Uyatiroyithstene lan 6 amnore dcamıhdode huwlın ido bido lı hdode leshan hawxa camlo mshawtıfo dhowe mathlo la amnore hrene.

A boduqe Suryoye d’Mor Cırcıs dmıdlın duktho bu tuyobo di methhawyonuthathe, mqadamlın tacmone, muklone umashtyo la hadire. Beyn da meshtawtfone kıtwo mmathlone mu Mawtbo Umthoyo d’Bethnahrin MUB, mu Huyodo Suroyo d’Urifi ESU, mi Mtakasto Othuroyto Demoqratoyto Othuroyto ADO, mu hudro Othuroyo d’Bethnahrin, mu shukono d’Mor Aho, mu Hudro d’Derik u mmathlone ma citotho mshahılfotho du cameydan dkıtne b’Enschede, Hengelo u Oldenzaal u farsufe Hollandoye.

Meqım byarhostene, ftihowa I methhawyonuthathe bu hudro d’Derik di mditho d’Enschede. Gawonoyo kito 39 amne u luhe dkibe ha dhozelın wımfarıj acleyye. Kul yawmo ma 18.00 dcasriye uhol la 21.00 du lalyo kibe ha dothe ukorıx I methhawyonuthathe. I methhaywonutho hol 25 bu yarhano blalyo, 4 yawme gıffaysho ftihto.