HSA mşadarle egartho d’buyoe lu rişono zawgoyo du gabo da yaroqe d’Almanya Cem Özdemir

U Huyodo Suryoyo b’Almanya-HSA, mşadarle egartho d’buyoe lu rişono zawgoyo du gabo da yaroqe d’Almanya Cem Özdemir, calu şunoyo di emo Nihal.

 HSA mırle; Kıtulbina du uhdono dhawilox cam emox, dobolox haylo hatho u kıtulbinalox rişo basimo, ma cumqe d’lebayna.

İ egarthathe dımşadro, kıtucno a imdat da 2 rişone zawgoye d’HSA Saliba Joseph u Roze Özmen. Bi egartho HSA komır; Matilan u tebo mahişono du şunoyo d’emox Nihal. Casqo’yo dmiqafe mele du sabro, bu zabno dfarsufo qariwo kmıfrış me beynothayna hol colam, xıd emox dkıtwola çasra rabtho. Bu haşano, i şemşo kımvayco u nuhrayda uha kıcoyış haşo rabo.

HSA mırle; Layt mede haqa casqo-inaqla dmıçborina dımmina fuşbaşlomo l’noşo-dilonoyith l’emo, dımşakelalan lu mede dkıtna adyawma. İ emo-dlo keşlo, kıtla duktho ğalabe rabtho ba haye du nacimayda. İ nahirutho d’emox, i haymonuthayda wu tacbayda zrıcla timoyotho ulsoye ebox’ste-myaqro Cem Özdemir.

A 2 rişone d’HSA kımmi; Wa timoyothani gıdmdawmi acmox. İ mhasayto kiba dhowela şubhoro ebox calu tacbo dkobıt ba fulhonaydox leşan u dactith. Kıtulbina du uhdono dhawilox acma, dobolox haylo hatho u calathe kıtulbinalox rişo basimo ma cumqe d’lebayna.