Htimo i dawra folhoyto da Hayle di Mşaynutho-QASAD du garbiyo udu madınho d’Suriya. Maklen tre hçome marıhbone dı Dacış bu madınho dı Der Ezzor

İ sictho du sutoro du qlimo du garbiyo udu madınho d’Suriya, ubi sdirutho di mdabronutho gawonoyto da haylawotho du sutoro yothoyo udi mdabronutho da akadimiye du kanton dı Froth, sımla u futoho dı dawra folhoyto hathto bu ışmo d’sohdo Muhammad Alnaser. İ dawrathe dgımdawmo l’tre yarhe, kmisomi bu akadimi d’sohdo Jamal Kobani bi mditho d’Almansura hedor dı Tabqa.

Lu zawho du futoho, hadır ba casrowat d’comure du kanton dı Tabqa, rişone u rişoynwotho du mawtbo folhoyo dı Tabqa, i mdabronutho da haylawotho du sutoro yothoyto du qlimo du garbiyo udu madınho d’Suriya wa haylawotho di mşaynutho gawoyto. 

Li dawrathe kmıştawtıf 140 mharbone dıkmitahwelın herge folitiqoye u folhoye u marduthoye, cam duroşe folhoye rwihe, bnişo dhowın falqo ma haylawotho du sutoro yothoyo. 

Mxasra hreto, a’haylawotho d’Suriya demoqratoyto d’QASAD maklelın tre hçome dsimi aclaye bu madınho dı Der Ezzor ma krulyotho du tukoso marıhbono dı Dacış. 

Bu buyono dıfrıslın a’haylawotho d’QASAD, mawdaclın du hçomo qamoyo sim athmıl blalyo mıhdo krulto dı Dacış cal nuqazto folhoyto di gudo dı Dhiban. Wu hçomo trayono sim b’ha zabno mı krulto hreto dı Dacış cal nuqazto folhoyto d’QASAD bi qastra d’Allışhel. 

U buyono d’QASAD mathkarle da mharbone qadiri dmaklın a’tre hçomani, u çbırlın a’çatawiye dı Dacış dmıgroşi bıthır mdıhzelın husrone.