06/12/2023

İ aykanoyutho di mşaynutho d’Darca kull dkothe zıttır kıhurwo

Qtil arbıco folhe ma haylawotho di mşaynutho du rejim d’Suriya u mçarıh ste tre hrene, bu hçomo dsim adyawma safrayto m’grub mzayno dlatyo idico cali radaytaththe i folhoyto bu garbiyo di fnitho dı Darca bu taymno d’Suriya.

 

Lfuth i mşatasto da zedqe noşoye d’Suriya, u hçomano athi luhwoyo bu zabno dşafico i radayto folhoyto du rejim mu darbo dıkmasır i mditho d’Jasım cami mditho d’Anxıl bu garbiyo dı Darca, wa mçarhe nqili la bethkrihe di mditho d’Alsanamen.

 

Bıthır mu hçomano, a’haylawotho du rejim mabdelın cuqobe du kroxo b’gawıd di fnitho, elo a’haçome mahzamlın l’duktho dlatyo idıcto. U hçomano athi luhwoyo bu taro du şğuşyo udi aykanoyutho lo mşayanto dkito bi fnitho dı Darca, dilonoyith cal dlıkmisım duyoqo towo udlıkmimıd ste hşowo ma hayobe.

 

Lfuth a’statistike da hçome dhawın b’Darca mu şuroyo di şatathe uhul ucdo, hawi 470 hçome u gedşe lo mşayne b’şıklat mşahılfe, u hawın celtho du qatlo d’377 farsufe, baynothaye 137 barmothoye mdinoye u 156 ma haylawotho dı Darımsuq uma şutose di mşaynutho dkıtne masre acmaye.

 

A’statistikani kıgırşi u zuhoro calu rejim d’Suriya dlıqadır hul ucdo dmarku i mşaynutho wi şalyutho bi fnitho dı Darca, mu zabno dmabdewole a’qyome du şbuqoyo cama grube mzayne dı Darca bi şato da 2018 ubi şato da 2021.