I claymutho di qritho d’Ciwardo mabdela tarmitho di şuşoto di qritho

CİWARDO – İ claymuthathe dkıtyo ba athrawotho di golutho malımlın zuze bayn dıhdode laşan dzırci dawme bkul bayto di qritho dkito b’Ciwardo.   

Bıthır mu teltimo da zuzani mşadri li qritho u ba yawmotho d’şaficina myaqro Sabri Yıldız dkıtwe b’socurutho bu athro camu kohno qaşişo Yusuf Akbulut zrıclın bkul bayto di qritho dawmo da tamre. 

Bi sbuthathe u mede dkıtyo mafıshono zrıclın a dawmani ba bote kule di qritho da maşılmone u da Suryoye. U nişo dkıtla i claymutho di qritho d’Ciwardo di qrithathe dmahuyo dkiba yariqutho u dawme lo xıd kıtyo ucdo kmahuyo xıd qritho naşıfto me bote da kefe belhude.   

A dawmani da tamre dı zwini ba zuze  du şutoso hubo d’ciwardo bıthır mu zrocano mbayanlın a qnume dıkhoyın bi qritho dnıfqilin moro laşan bıthır kmo ışne i qritho dmahuyo mlitho yariqutho u hawa basımto da dawme.