I daira du turizm d’Nuhadra mawdacla mcal fothe da taxtuşe jbiri d’suxri hol 20 dukotho da socure b’Zaxo

A taxtuşe wa hçome dıkmdawmi beyn da hayle kaboşe d’Turkiya udu gerilla di PKK bu garbyo du Iraq, bıdelın ucdo’ste dobın husrono lu turizm du qlimo.

I daira du turizm d’Nuhadra mawdacla, mcal fothe da taxtuşani jbiri d’suxri hol 20 dukotho da socure b’Zaxo.

Bi maqırhonutho dfrısla athmıl i daira du turizm di hiğmonutho d’Nuhadra, sxırlın 20 dukotho du turizm b’Zaxo mcal fothe di kampanyathe dmabdelın a hayle kaboşe d’Turkiya cal dukotho frişe du garbyo du Cıraq.I daira mawdacla, u da taxtuşe dbeyn da hayle kaboşe d’Turkiya udu gerilla di PKK ba hiğmonwotho d’Nuhadra u d’Arbil, huwlın husrono rabo lu haqlo du turizm.

Bebzabno i daira mırla; Calathe fayış a socure lıkmaçrın dızzın la 2 hiğmonwothani

u walaw dlowe gerilla di PKK b’dukotho dkıtne qariwe ba hiğomwothani’ste, kmısxori a fınyothani du turizm, cal dkito zuctho dhowın wahdo du qrobo. A mşale kımnasın dımcadli i aykanoyuthathe leşan u camo dqodır dızze u dothe b’hirutho.

Tukose da zedqe noşoye; beynothaye u ğrob- Christian Peacemaker Teams grışlın u zuhoro calu husrono dtrelın a hçomani d’Turkiya calu qlimo u m’akadlın, dhol 1500 qıryawotho-acmaye mınyono ma qıryawotho du camaydan’ste maxlın ma comurathe mcal fothe da cuqobe dsımla Turkiya cali PKK,u  dhawın celtho lu qatlo d’4 mdinoye.