U hiğmuno d’Ninwe ğıdmaqım 14 qaymaqame u mdabrone d’qastrat, baynothaye di mditho suryoyto di Baghdede
U hiğmuno d’Ninwe Cabdılqader Aldaxil, mdele cala fusqone da şuhlofe di mdabronutho b’gawe di hiğmonutho dkıtwın meqım magılde mi celtho da dacwat dımqadmiwo lu bethdino di mdabronutho. Bu şıklano, maqım 14 qaymaqame u mdabrone d’qastrat ma woliyothaththe bi hiğmonutho d’Ninwe.
NINWE, Ciraq – U hiğmuno d’Ninwe Cabdılqader Aldaxil, athmıl xıd funoyo la fusqone du bethdino celoyo di mdabronutho, maqımle 14 qaymaqame u mdabrone d’qastrat ma woliyothaththe.
Lfuth u fusqone dımdele acle u hiğmuno d’Ninwe, maqım arbıco qaymaqame u 10 mdabrone d’qastrat ma woliyothaththe, baynothaye u qaymaqam d’Bağdede ardixlo Cisam Bahnam Matti, u mdabrono di qastra d’Barıtle Cali Mu(h)ammad Fat(h)i wu mdabrono di qastra d’Bacşiqa Ğazwan (H)amid.
Bu yarho dı Tamız dşaficina, u mawtbo di hiğmonutho d’Ninwe sımwole şuhlofe bı menyono da woliyotho di mdabronutho dlo mi mıştawtfonutho du koalisyon d’Ninwe i mhayadto.
Bıthır ma şuhlofani dsimi, u mawtbo di hiğmonutho d’Ninwe fliğ l’tre gbine. U gbino qadmoyo dkıtyo u koalisyon d’Ninwe i mhayadto udıkmişaklo m’falqo ma Sunna umu gabo demoqratoyo d’Kurdistan di KDP dımtayabwolın ytawyotho l’zabno bıthır ma şuhlofani dsimi.
U gbino trayono u koalisyon du dactid d’Ninwe yo dıkmişakıl m’16 kursiye umu gabo du Huyodo Athronoyo d’Kurdistan. U mawtbo di hiğmonutho d’Ninwe kmişakıl m’29 kursiye, baynothaye tlotho xıd kontenjan la Mşihoye, la Yezidoye ula Şabakoye.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
