İ iqartho dbe Şamun Hanne Haydo, mqadamla şukono da 150 eşne lu hasyo di marcitho d’Stanbul Mor Feliksinos Yusuf Çetin.

LOSSER, Hollanda – Lfuth i mawdconutho dhiwo me myaqro Şemcun Turan dbe Haydo, taşdarto mi iqartho dbe Şamun Hanne Haydo dıkcayşo b’Hollanda, sımla socurutho li hasyutho di cito Suryoyto Orthodoksoyto dkıtyo b’Stanbul u mıstaqbılo mi mcalyutho du hasyo di marcitho d’Stanbul, Ankara u d’İzmir-Mor Feliksinos Yusuf Çetin.

Bi socuruthathe dsimo, mqadamla i taşdarto şukono da 150 eşne d’Sohdo Şamun Hanne Haydo li mcalyutho du hasyo cali xıdme dkobe li cito ulan abne du camaydan b’Stanbul, b’Ankara u b’İzmir wa fulhone dıksoyım leşan a zedqe du camaydan wu dialog dıkmaşe cama tawdiyotho u mardwotho frişe b’Turkiya.  

İ taşdarto mqadamla tahınyotho lu hasyo calu bnoyo di cito hathto b’Stanbul wi ganathşabre d’Mor Afrem dftıhole ucdo’ste, dkobıc dfotıh madraşto şarwoyto. Bu tarano, mqadamla’ste i taşdarto di iqartho d’Şamun Hanne Haydo 8 alfo euro lu hasyo leşan u bnoyo di madraştathe u tlib kuşore li mcalyuthayde.