06/07/2021

İ kampanya dımabdele ESU kımdawmo dmitaşmıco lu camo

İ  kampanya dımabdele u Huyodo Suroyo d’Urifi ESU, kımdawmo dmitaşmco lu camo wu kmisomi a hedriyat du zwono da sniqwotho dıklozım la madraşyotho du camaydan b’Turabdin.

Bi mawdconutho dmıdlan me ESU mawdacle, dhawilın mamlo cami sagiyutho da malfone da madraşyotho d’Turabdin u mşayelın mın sniqwotho kıtte.

ESU athmıl mawdacwole dımşarele kampanya du snodo da madraşyotho du leşono Suryoyo dkıtne ba qıryawotho d’Turcabdin. İ kampanyathe dkıtla nişo dı maquyo u telifo du leşono Suryoyo ksındo a madraşyotho ba sniqwotho dıklozım la yolufe u la madraşayotho laşan u telifo du leşono dhowe fşito.

Bıthır mıd madelın i kampanya athmıl u rişono zawgoyo d’ESU Fehmi Vergili hawile esore cami sagiyutho da malfone dıkmawlfi u leşono Suryoyo ba madraşyotho da qıryawotho du cameydan u mşayıl mın sniqwotho kıtlın.

Vergili mawdacle dhıne gıdmalxi i kampanya lfuth a sniqwotho dkito da madraşyotho mawxa a zuze dıglıtmi mu camo gıdmizwın u mede dıklozım la madraşyotho u la yolufe. Mathlo xıd kthowe u makinat du teknik.

ESU bi mawdconutho dıfrısle mahatle a telefone da mathlone d’ESU ba athrawotho mşahılfe u be bzabno mahatle u konto di banka dkibe kul ha dımcawın u leşeono Suryoyo madmıx u snodeyde li banka. Yawme dhuşabo dothe  casriye bıthır ma tebe di şoctho da tmone gıdhowe taharzto haytho du camo kibe mşayıl a şuloe dkıtle u dobe a rınyeyde li kampanyathe d’ESU.

Check Also

U şutoso d’Olaf Taw frısle buyono lu ray gawonoyo du camaydan

U şutoso d’Olaf Taw bu buyono dfrısle adyawma lu ray gawonoyo du camaydan, mawdacle dhın m…