İ karxutho d’Södertälje du Swed mıdla fusqono dmahto qoyumtho du Sayfo dan 1915
İ karxutho d’Södertalje du Swed mıdla fusqono dmahto qoyumtho du Sayfo da came Mşihoye dı qtiliwo bi şato dan 1915. Bıthır mi mawdconutho dhuwola i Sictho dıkmişaklo ma gabe folitiqoye du Swed, athmıl’ste i Sictho mdabronitho di karxutho mıdla u fusqono dmitacımro i qoyumto du Sayfo b’Södertelje du Swed.
SÖDERTALJE, Swed — İ sbutho di qoyumtho du Sayfo hani eşne yarixe kmıdroşo bi karxutho d’Södertälje du Swed. Kull zabno mawfıq qetro aydarbo u hayna ışmone gıdmitahıt cali qoyumto u mışıkıl gıdhuyo. Elo ucdo u mede dıkmahwe mte nuqto da gabe kulle mıttafaqe dmitaqimo i qoyumthathe dımbayno la came Mşihoye kulle dı qtiliwo bu Sayfo dan 1915-awkith u camo Suryoyo, Armınoyo u Pontusoyo.
İ qoyumtathe latyo qoyumtho di karxutho du Swed elo qoyumtho umthoyto du Swed’yo-awkith i şultonutho du athro’yo dkıtla mşalutho acla. Lfuth u fusqono dmid athmıl mi mdabronutho di karxutho, maqbıl u renyo dımamte ma şutose Suryoye dmitahıt Slibo’ste cali qoyumthathe du Sayfo.
Ucdo fayış yawme d’Tre-en u mawtbo di karxutho’ste dmote b’fusqono acla. U hano gıdhowe u fusqono haroyo dgımimid calu tecmiro di qoyumtathe. Bi sbuthathe lfuth u şuwolo dımşaywolan bu knuşyo dsımwo athmıl la gelyunore bi karxutho mawdacwo, da gabe kulle mıttafqene u mawxa lıknofıq qetro yawme d’Tre.
Lfuth i mawdconutho dhiwo bu knuşyano, bi şato dothe-awkith ba 2026 gıdhowe u futoho ruşmoyo di qoyumtathe bu siqumo d’24 b’Nison. Bu zabnano du Madınho Mescoyo kmiharhıq ba qrobe, tawoyo di qoyumtathe dmitaqimo elo bebzabno u cameydan dhowe mahiso cala şuşote dkowın bu athro dan abohotho dlowe Sayfo hreno acle, u dmilhe mu makthabzabno.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
