31/03/2021

İ mdabronutho yothoyto du garbiyo udu madınho d’Suriya mhanela u cameydan bi cohnutho d’rişıdşato d’Akitu

İ mdabronutho yothoyto du garbiyo udu madınho d’Suriya, mhanele u camo Suryoyo Othuroyo bi cohnutho di rişıdşato umthoyto du camaydan da n’6 alfo u 771 d’Akitu.

Bu buyono dıfrısla i mdabronutho yothoyto, mahwela sabro di rişıdşato hathto d’Akitu dmamtiyo camruha hubo, ahonutho u şalyutho, u sımla ste qroyto lu camo dlıtowır atedbire du nfoqo mqabıl du virus d’Corona.

İmdabronutho yothoyto du garbiyo udu madınho d’Suriya, bi egartho dıfrısla adyawma bi cohnutho di rişıdşato hathto Bıbloyto Suryoyto Othuroyto, mawdacla di catirutho marduthoyto u tawdithoyto dkıtle u garbiyo wu madınho d’Suriya u gawonoyith u athro d’Suriya, kımmathlo yortutho makthabzabnoyto ulsoyto dkıtyo asas di ciyeşe mşawtafto bu taro da mardıwotho, da cyode uda hfitwotho dcabiri bıhdode b’gawıd du kenşo d’Suriya.

İmdabronutho yothoyto bi egarthayda mırla ste “Akitu dkıtyo u cedo di rişıdşato du camo Suryoyto Othuroyto dıknofıl ha bu yarho d’Nison bkul şato, kıromız lu hethotho, lu nuhomo du kyono m’hatho ulu mathyo du rbico. Akitu ste cedo makthabzabnoyo yo du camo Suryoyo Othuroyo dıkmıştabıhri ebe a’came kulle du garbiyo udu madınho d’Suriya”.

Bebzabno, i mdabronutho yothoyto mqadamla tahanyotho hamime lu camo Suryoyo Othuroyo, u mahwela sabro du cedo d’Akitu dmazıd i hubo wi ahonutho, ud’mikalıl aminoyith bi towutho, bi şalyutho uba yuhbotho, ud’fotıh u darbo b’qamuthıd du camo d’Suriya laşan d’qodır dşofıc u krizayde, udımhalıq bi şato hathto dawsat lafu şlomo ulafi şalyutho.

Camgabıdathe, i mdabronutho yothoyto du garbiyo udu madınho d’Suriya sımla qroyto lkul noşo dkımhage u cedano, dımdawım dfoyış masro cama tedbire dımbayni mqabıl du virus d’Corona, bnişo dmınfıq moro lu hulmono farsufoyo u gawonoyo di fnitho.

Check Also

İ sictho du hulmono di mdabronutho yothoyto hula mawduconutho rwıhto calu kewo di Corona

Tmınyo farsufe mayithi mi celtho du virus d’Corona, u zıd me 500 hrene tafilın u kewo ba f…