06/03/2021

İ Mdabronutho yothoyto du garbyo u du madınho d’Suriya, maslamla 12 tloye Ezidoye la yaqrothathe bu garbyo du Iraq

İ Mdabronutho yothoyto du garbyo udu madınho d’Suriya, maslamla 12 tloye Ezidoye, la yaqrothathe bu garbyo du Iraq.

 A 12 nacimani, a emothathe Ezidoyene elo u babathe hadomo da ğrobe marhıbone d’Dacışne.

Mşale di Sictho da esore baroye bi Mdabronutho yothoyto du garbyo udu madınho d’Suriya athmıl mawdaclın, dınqilın 12 tloye Ezidoye la emothathe bu garbyo du Iraq. Mawdıc da tloye bu cımro beyn 2 uhola 5 eşnene wi emathe Ezidoyene elo u babathe hadome d’Dacışwe.

Ba casrowat d’neşe u claymotho da Ezidoye, maxlaswolın mi gracyutho ğensoyto dsimo aclaye ma ğrobe marhıbone d’Dacış b’Suriya u daciriwo naqla hreto lu Cıraq. Elo ğalabe ma neşe uma claymothani trewolın a nacimathe, leşan dlo mırfodi ma yaqrothathe umu kenşo Ezidoyo.

U hathe inaqla qamayto’yo da 12 tloyani madcıri la emothathe. Ban alfayo d’neşe u claymotho Ezidoye htifiwo me Şigor bu zabno du kboşo d’Dacış calu Iraq ba 2014. Wa claymothani mafitiwo b’teşniqe qaşye, b’teçawuze u jbiriwo lu gworo cam mınyono d’marhıbone.

A Haylawotho d’Suriya Demoqratoyto’ste, mhararwolın mınyono celoyo d’neşe u claymotho Ezidoye uba 2019, bu zabno di zoxutho dcal Dacış. Ba 2019, madcarwo 25 neşe u tloye l’Şigor. Mu zabno du hurorathe uholucdo’ste, i Mdabronutho yothoyto’wa dnafiqo moro la neşani u madcır ğalabe neşe u tloye la yaqrothathe b’Şigor.

Check Also

U parlamento d’Australia tlıble mi şultonutho du Iraq dımşatso şultono yothoyo lu camaydan dıkhoye bi daşto d’Ninwe

U parlamento federaloyo d’Australia, bıha femo tlıble mi şultonutho du Iraq dımşatso şulto…