26/04/2021

İ Mdabronutho yothoyto sımla iclan 25 bu yarhano xıd yawmo da Sohde du garbyo udu madınho d’Suriya

İ Mdabronutho yothoyto du garbyo u du madınho d’Suriya frısla maqırhonutho u mawdacla, dsımla iclan 25 bu yarhano xıd yawmo da Sohde du garbyo udu madınho d’Suriya.

U yawmano mbayın xıd iqoro la Sohde dbıhlın nafşaye ba taxtuşe dhawınwo mqabıl da hayle kaboşe d’Turkiya b’Qarachox 25 Nison da 2017.

Athmıl i Mdabronutho yothoyto du garbyo udu madınho d’Suriya frısla maqırhonutho u mawdacla, dımbayanla 25 bu yarhano d’Nison xıd yawmo da Sohde bu garbyo ubu madınho d’Suriya, xıd tethkar da Sohde dnafiliwo bu zabno da taxtuşe dhawınwo mqabıl da hayle kaboşe d’Turkiya b’Qarachok 25 Nison da 2017.

Bi maqırhonuthathe i Mdabronutho yothoyto mırla; U garbyo u madınho d‘Suriya, kmidoci bu qawmo dhawi u dımhafadle a timoyothayde leşan u bnoyo d’Suriya demoqratoyto lo qentrunoyto u mşakalto me came frişe, dhuwlın timo yaquro leşan i mşaynutho wu şlomo du qlimo.

İ Mdabronutho yothoyto mırla’ste; Bu cuhdono da Sohde du garbyo udu madınho d’Suriya ubu cuhdono da Sohde dbıhlın nafşaye bu ağono dhuwlın mqabıl da hayle kaboşe d’Turkiya b’Qarachox 25 bu yarho d’Nison da 2017.

Bi maqırhonuthathe mawdıc’ste, bi mawdyonutho di dbihuthnafşo da Sohdaydan u leşan dım’akdina du ağonaydan gıdmdawım, mbayanlan 25 Nison xıd yawmo da Sohde du garbyo udu madınho d’Suriya u ahna gıdmdawmina bu darbo da Sohdaydan hol dımharırina an arcotho kulle dkbişi uda camaydan du qlimo dmotın la zedqathe uli demoqratoyutho.

Check Also

U parlamento d’Australia tlıble mi şultonutho du Iraq dımşatso şultono yothoyo lu camaydan dıkhoye bi daşto d’Ninwe

U parlamento federaloyo d’Australia, bıha femo tlıble mi şultonutho du Iraq dımşatso şulto…