I mditho d’Södertalje kubco dnufqo moro li claymutho
I karxutho d’Södertilje mabdela tarmitho d’hfitwotho du tehwiyo di mawdconutho cali kriminalitet dkito bi karxutho. İ lqayto qamayto di tarmithathe simo athmıl bu bınyono di karxutho, wa şutosayda dkıtwın hadire, mahkelın aydarbo kull ha menaye kibe dkole qum du şuşoto da hawbe dıkmisomi b’Södertelje du Swed.
SÖDERTALJE – Bi lqayto, u şutoso da powelıs mahkele cala nuqtotho qamoye dıkmahwın da clayme u calymotho dkowe şuhlofo ebeye u dıkmadili dkıtte esore cama grube di krimanlitet. I polis Jessica Hillemar bu mamleyda mahkela inaqla di claymutho dhowe şuhlofo ba hayayda xıd mathlo dlothın casriye lu bayto, yaste latne bi madraşto, zuhoro’yo da farsufani kıtte esore cama grube hayobe.
Hillemar mırla; İnaqla dhozitu mede dlatyo kyonoyo dkowe ba dukotho, mawdecu la powelıs, u kıbxu dhowitu ğnize layto sniqutho dmawdcitu man hatu. Calu şuwole dımşayel i aykanoyutho di claymutho dıkmıştawtfo la grube di krimanlitet aydarbo’yo, i polise mawdacla dıkmdawım dlo furşono.
Bıthır i mathlonitho du şutoso du snodo mahkela aydarbo hınne’ste kowın mcawnone la yaqrotho uli claymutho leşan dlo nufli b’darbone di kriminalitet. İ mathlonitho da madırşotho mahkela cala fulhone dıksaymi leşan a yolufe dlo mıştawtfi la grubani dıksaymi hawbe bi karxutho.
Bi lqaytathe u mede d’grışle u zuhoro, dlatwo ğalabe nuxroye hadire bi hfituthathe, uda tre, dımşayıl ğalabe şuwole ma hadire dkıtwın li lqaytathe.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
