İ mditho maktabzabneyto Hasno d’Kifo mşarela dı fayşo tahte da maye

I mditho maktabzabnoyto du camo Suryoyo Othuroyo Hasno d’Kifo mşarela dfayşo tahte da maye mqabıl dcaynıd dıbritho.

 Bu tecmiro du masxoro dkıbco saymo Turkiya calu nahro d’Deqlat a maye dıg mitalıtmi gıdtorın Hasno d’Kifo tahte da maye.

 Hani zabno yarixo Turkiya hula fusqono dı saymo masxoro laltah me hasno d’Kifo dıgtore i mditho maktabzabnoyto tahte da maye, laşan dı Turkiya sınco kahrobo mu masxoro, bu zabno dıbritho kobo yuqro lu kahrobo di şemşo u di hawa.

Lfuth u tboco froso wa hızwone dıkmıfrosi ba nawle knuşyoye kmahwe aydarbo a maye du nahro kcolın u ktorın hın ma bote dkıtne laltah du turo kfayşi tahte da maye. Ha ma farsufe dıgrışle u zuhoro cali sbuthathe u folitiqoro du cameydan Aday Bethkınne dı kthule bi dafeyde du nawlo dkomır. Mqabıl d’caynothıd dıbritho Turkiya ktıryo mditho d’kıtla maktbazabno da 12 ışne tahte da maye.

U mede dıkgorış u zuhoro bi sbuthathe lo a nahire lo ya ducthone u lo a omure u zamore kmahwın hfuxyo mqabıl di siyase dıkmaşe Erdoğan d’kobıc lohe u maktabzabno catiqo du athro.

Bi sbuthathe ha kibe domır u cameydanste lıkmahwe hfuxyo xdu mede dıklozım.

Lfuth a tebe dkothın mu qlimo i claymutho wa farsufe dıkhoyın bi fnithathe ksaymi socurwotho u gurşi surotho laşan dı fayşi duxrono d’Hasno Kifo memeqım dı fayşo tahte da maye u dmivayco xıd mdito maktbazabnoyto.