İ Mtakasto da Neşe d’Bethnahrin mtayabla maşritho li cleymutho

İ mtakasto da neşe d’Bethnahrin mtayabwola maşritho li claymutho u la yolufe di dawra du rşomo dkıtwolın li dayro d’Mor Behnam u saro hotho bi rişonutho di rişonitho di mtakasto Hanan Matte Tuma.  Bi maşrithathe i claymutho karixo i dayro u medlın mawdconutho acla u bıthır yatiwi camu rişdayro u mqadamale tawdiyotho .

İ claymutho dmıştawtafwola li maşrithathe bi qamayto sımlın duroşo guşmonoyo u bıthır karixi hedor i dayro d’mor Behnam u Saro hothe.

İ claymutho cam gabe dı karixi u mıdlın mawdconutho cali dayro hawilin droşe cam hdode, laşan dyılfi hdode u dmaydi mawduconutho calu maktbzabno.

Bıthır a yolufe di dawra du rşomo sımlın itawto di rşomutho cam hdode, u mahwelın a rşomathe dı yalifi drışmi bi dawra dkıtlın .

Bıthır mıd i claymutho karixo u mıdla yulfono cali dayro hawilin itawto camu rişdayro abuna dayroyo Yahkub u mqadamlın ele tawdiyotho cali socurutho  dhawilin fsoso dsaymi ela.

Bu huthomo di maşrithathe i claymutho mqadamla a tawdiyotheyda li mtakasto da neşe d’Bethnahrin dımtayabla hawxa maşritho basımto li claymutho.