I rişonitho zawgoyto di HDP Pervin Buldan kimmo Erdoğan gidmabde hamle cal Suriya bi Odor

ANKARA – İ rişonitho zawgoyto di HDP Pervin Buldan grışla u zuhoro u mawdacla, d’Erdoğan kit dothe dmabde bu yarho dıbqamuthayna, hamle hreto du kboşo dcalu garbay madınho d’Suriya. Buldan mawdacla, du rişqutno Turkoyo kmıstacmıl u qrobo dcalu garbay madınho d’Suriya xıd fırsa, dımvayıc u zuhoro cala guboye d’Turkiya dıkmıntır dmisomi bu yarho d’İyor dıbqamuthayna.

Bi sbuthathe d’Suriya mawdıc, d’Turkiya b’fsihutho mıstaqbela u fusqono dmıdle u İran dmıştawtıf lu maşıqlo da droşe dbeyn Ankara u Darımsuq bnişo dımqarwi lhıdode. Elo cala guboye d’Turkiya Buldan mırla; AKP u MHP, kubci dımkasın calu kafno ucali faqirutho dxlıqlın beyn du kenşo bi siyasathe du qrobo.

Buldan mawdacla, leşan a 2 gabani dmitadrın klozım dmitarkıw haylo mqabıl du qrobano dıkmaşın u thimila’ste, dıkmdaxli bu maşıqlo da guboye ubu hboso dıksaymi calu bethdino nomusoyo leşan dmaçmıd a zuze di HDP u bnişo dmatimila.

Buldan dkalyo’ste cali qonunoyutho di mraşhonutho d’Erdoğan u m’akadla du rişqutno sımle 2 dawre, u latle zedqo dsoyım ha tlithoyo’ste u sımla qroyto lu camo dlo qonıc li saqıbloyutho’ste dbelhude kımnase dmoyıd a qole du camo dlayto radyo bi şultonutho d’ucdo udu huyodo da 6 gabe, holucdo heş lo mbahase mede cala Kurdoye du athro.