İ Sictho da Athare udi Yortutho bi şultonutho du Cıraq m’akadla, madcır hol 27 alfo falqe d’athare dgniwi’wo

BOGHDOD – Bu taro du yuqro dhuwla i şultonutho Cıraqoyto bnişo dmitadcıri naqla hreto an athare catiqe bu athro, hiw athmıl maqırhonutho mi Sictho da Athare udi Yortutho dkıtyo bi şultonutho du Cıraq. Bi maqırhonuthathe magle, bi netiçe da fulhone uda esore dsimi leşan dmihafdo i yorutho catıqto du athro, malimi an athare dgniwiwo bıgawe du athro u hani dınqili bıthır lğer athrawotho dbritho.

Gawonoyith ba fulhone dmaşın hani yarhe, qadır u Cıraq dmalım 27 alfo falqe d’athare makthabzabnoye dıkducri li mdinoyutho qamayto du athro. An atharani kulle, ucdo madcıri li bethcatiqotho athronoyto dkıtyo b’Boğdod. Mawdıc d’7 alfo falqe d’athare madcıri me larwal wa 20 alfo falqe hrene, malimi bıgawe du athro.

An athare du Cıraq, kull naqla hawın nişo lu gnowo ulu tehriwo ubu zabno du qrobo da 2003, u bıthır ba 2014 gnıwo u mahrawo mınyono celoyo d’athare. Ba esore dsimi, qadiro i şultonutho d’madcıro athare me İtalya, Yaban, Lebnon, Hollanda ume ğer athrawotho-uba 2021’ste madcarwola Amierka luho catiqo d’Gılgameş dkıtwa 3.500 eşne catıqto.