İ Sitadel ha mu bınyono catiqo d’Kerxesloxyo

İ Sitadel d’Kerxeslox dkıtwo meqım eba knuşyotho da Yudoye u citotho, adyawma kiba u masığdo rabo di mdito.

İ Sitadel, u bınyono catiqo d’Kerxesloxyo u inaqla qamayto dımşare bu bnoyayda 858 meqım me Mşiho’we.

U malko Othuroyo Aşurnasirpal II, bdewole ba 858 bu bnoyo du qentrunano d’Kerxeslox leşan u duyoqo di mşaynutho du qlimo. Calathe i sitadelathe, kmifaşqo i duktho catıqto di mdito ume zabno l’zabno hreno, bnewo eba knuşyotho da Yudoye, citotho uba dore haroye’ste, masığde.

Mawdıcste di cito Kaldoyto kıtwola meqım cito eba u hemste zabuqone rwihe u pazar rabo d’300 dukane u park rabo. İ sitadel d’Kerxeslox, kıtla struktur ğalabe dilonoyo; 1) cal dkıtla i cito Semoqto idıcto dbınyowa meqım mu mathyo di Maşılmonutho.

İ citathe kıtla mosaik ğalabe şafiro u naqlat’ste kmidıco bu ışmo-i berule di sitadel dkıtyo hol 40 metrowiye celoyto u hedora kıxoyır u nahro d’Khasa. A comrue d’Kerxeslox kısaymi qroyto lu kenşo Emwothoyo u kımawdıci, di dukthathe i catıqto kıtla sniqutho l’hethotho, wi şultonutho’ste klozım dımbaynola xıd dukotho dilonoyto-lo belhude lu Iraq elo l’britho kula.

U tukoso d’UNESCO’ste kımaşe fulhone leşan u hethothayda, elo kımawdıc dkıtla ğalabe sniqutho dmicadlo. Bi sitadelathe dıkmitıftakır dkıtwa a bethqbure qamoye d’Kerxeslox, kito’ste eba u qabro du nbiyo da Yudoye-Daniel, Hananiah, Mishael u Azariah. Timur Lenk’ste cabırwo li sitadel ban 1393 u fayıt eba ğalabe qrobe.