08/10/2020

İ şultonutho du Iraq mşatasla sictho dilonoyto dıksaymo buqore cala hjome gawoye

İ şultonutho du Iraq mşatasla sictho dilonoyto dıksaymo buqore cala hjome gawoye dıkdayşi i mşaynutho du athro wi moruthayde.

 Bıthır mıd şafıc tıre yawme cali mşatsonutho di sicthathe, mbarbız mawdconutho dıkmagılyo calu gabo d’Hizballah, dkıtyo u mşalo dcala hjome dıkmisomi bı soruhe lawğıl du Iraq.

 U makıthbo du rişwazire du Iraq Mustafa Alkazimi, bi tahwitho dıfrısle meqım tıre yawme mawdacwole, me beyn da fusqone dmidi kito, dmişatıs sictho dilonoyto dıksaymo buqore cala hjome dıkdayşi i mşaynutho du Iraq, i moruthayde, a qyome dkıtle cama atharwotho, u dmibayni a hayle di mşaynutho dlıksaymi i wolitho dıknuflo aclaye.

Bıthır mıd şafıc kımo şoce calu froso di tahwithathe, i sictho dilonoyto da buqore mşarewola a fulhonayda. Elo lfuth i mawdconutho dımbarbızo cali netije da buqorani, u froshezwo d’Alcarabiya Alhadath mawdacle da buqore maglelın da grube mzayne dıksaymi ahjome, hadome du gabo d’Hizballah du Iraqne.

A mabuce du froshezwo d’Alcarabiya mawdaclınste dıkmıtyaqni du tuyobo da foqucwothani kmisım bi fnitho stratejikoyto d’Jurf Alsaxır dımşahılfole Hizballah l’fnitho dıkmımnıc u şfocayda. Hula 2014, i fnitho d’Jurf Alsaxır camırtowa ma Caraboye Sunna, elo bıthır mıd sımwo u hurorayda me Dacış, a grube mzayne d’Hizballah mnıclın a comure ducri la botathe.

Wu bebzabno mnıclın kull şıkıl d’haylo Iraqoyo dşofıc bi fnitho. İ sictho dilonoyto da buqore dcala hjome gawoye dıkmisomi bu Iraq, kıtla fsoso dmaydo mawdconutho mayna şutoso di şultonutho d’Boğdod, u klozım b’zabno d’30 yawme dımbayno i netije da fulhonayda.

Check Also

U gayso Athronoyo d’Suriya dıkmısnıd me Turkiya msıkle bu yarho d’İlul d’şafıcina hol 52 farsufe

U tukoso da zedqe noşoye leşan i şrorutho wi kinutho da Suriye, frısle taşroro calu mınyon…