İ Tablitho di Awyutho d’Turcabdin, mawdacla i awyuthayda cama dıbhe di zalzale dhawyo b’Turkiya ubı Suriya

İ Tablitho di Awyutho d’Turabdin, kmişakıl me 7 şutose frişe du camaydan b’Urifi. Ucdo’ste u şutosano di Tablitho di Awyutho d’Turabdin frısle egartho cali zalzale dhawyo b’Turkiya u Suriya. İ egarthathe’ste mıdyo me DETA, ESU, ZAVD umu Huyodo da Hudre d’Turabdin bu Swed.

Bi egarthathe i Tablitho di Awyutho d’Turabdin, kımawdıco u haşayda cala bnaynoşo dımvayaclın a hayathe u dımçarhi ba zalzalat dhawın yawme d’Tre dşafıcina dım’atharlın cal mdinotho frişe d’Turkiya udı Suriya wu husrono dtrelın cala bınyone u dukotho tawdithoye, marduthoye u makthabzabnoye.

İ Tablitho di Awyutho d’Turabdin kımawdıco u tathir camuqo dtrelın a zalzalatani wu haşo wi trawma dtrelın bıthraye. Elo camathe’ste ulsoyo’yo da şutose frişe du kenşo Emwothoyo dfulhi camhıdode leşan u snodo da bnaynoşo dım’athri ma gunhani du kyono.

Bu tarano’ste, sim qroyto la şutose du camaydan, li claymutho ula hfite kulle dmaydi duktho ba fulhonani u dımcadri a dıbhe. Bu huthomo’ste i Tablitho di Awyutho d’Turabdin kımqadmo a buyoayda la yaqrotho da mithe u hulmono la mçarhe u dmısnodi bkull haqlo a bnaynoşo dhzelın husrono.