İ Taklitho d’HNB b’Giessen mıdla duktho ba sefrayyawmo

GIESSEN – Gießener Anzeiger u Giessener Allgemein, dkıtne 2 sfaryawme qlimoye di mdito d’Giessen d’Almanya, grışlın u zuhoro cali hfitutho dsımwole u Huyodo da Neşe d’Bethnahrin u fırco d’Giessen bu wahdo rabo di mdito Kirchplats.   

Ba tebani, a sfaryawme mırlın; Bu slogan; “Camhıdode mqabıl di lo kinutho” layimi a hadımyotho du Huyodo da Neşe d’Bethnahrin, leşan dmaclın qolaye cama neşe hrene u dhani dlo qudri dmaclın qolaye. Ba tebani mahke cali taklithathe dsim u futohayda me Manuela Demir dmahkela calu ağuno dkobe HNB ma 2002 u holucdo.  

Ba tebani mahke’ste calu mamlo di mşalonitho d’HNB b’Urifi Tibelya Ahrun, dkalyo cali olsoyutho di şawyutho beyn da ğense, cali mathlonitho d’ESU Turkan Uçar u cali mşalonitho di Mtakasto da Neşe du Iraq Ronak, mu gabo Othuroyo-Semira Sare dkalyo calu haylo dkıtla i athto. Bi taklithathe mawdıcste dhadır neşe u mathlone ma Kurdoye, ma Alawiye ume gabe frişe da Almanoye; xıd mathlo SPD.