İ taşdarto mi Mdabronutho yothoyto hawile ytawyotho b’Danmark

Bu taro da lqoyotho dıksaymo i taşdarto di Mdabronutho yothoyto bu athro d’Danmark, athmıl u mathlono b’Urifi Cabdılkarim Cumer wa tre mathlone b’Danmark Dara Mustafa u Alan Mansur, laqın taşdarto mu gabo Semoloyo du Camo d’Danmark dıkmişaklo mu tahlufo du rişono du parlamento Karsten Hong dkıtyo bebzabno u hadomo di sictho da esore baroye bu parlamento, u mşawrono folitiqoyo du grub du gabo du Camo bu parlamento Klaus Piergord, u qoyumo Sardal Banli wi hadımto catıqto bu parlamento d’Danmark ubu parlamento d’Urifi Barnella Fraham.

Bi ytawtathe, drişo i aykanoyutho ducdo wa şuşote haroye dhawın bu qlimo du madınho mescoyo dilonoyith bu athro d’Suriya, ukle bu zyudo cali aykanoyutho di mdabronutho yothoyto ucala casqıwotho dıklıqyolın bu haqlo momunoyo, folitiqoyo udi mşaynutho. Bi ytawtathe ste driş u rmoşo dı Dacış wa hçome dıksamlın u gayso kaboşo dı Turkiya calu benyono tahtoyo ucala şutose gawonoye di mşablonutho du garbiyo udu madınho d’Suriya.

Bu huthomo di ytawtathe, a’mşale du gabo semoloyo du Camo dı Danmark mahwelın i awyuthaththe cami hzayto dkıtla i mdabronutho yothoyto, u makadlınste dkıtne b’fusqono kamilo dıdırşi udkırxi cala şroye mşawtfe da sebwotho dıdrişi bi ytawto. Meqım mathe ste, i taşdarto di mdabronutho yothoyto laqyowa bu parlamento dı Danmark menyono d’qoyume u mşale folitiqoye.