IAEA: Mvayıc 2,5 ton Uranium b’Libya
The International Atomic Energy Agency (IAEA) maglele, dhol 2.5 tonat d’uranium mvayıc me qentrun dkıtwe ebe bu taymno d’Libya. Ba yawmotho dşafıcina, azzın a mbahnone du tukoso li duktho dkıtwe u uraniumano ebe u hzelın dmid me tamo.
IAEA mawdacle da 10 barmile dkıtwe u uranium ebeye, mvayci mi holo u kito qento hem dımsamım dukotho u hemste kıxolıq ğamo di mşaynutho du nukleer. Mawdıc du qentrunano dkıtwe u uranium ebe’ste, latwe ba dukotho dkıtne bi duyoqo di şultonutho d’Libya.
Bi sbuthathe u tukoso Emwothoyo dheş lo kodıc ema mid u uraniumano mu qentrun m’akadle’ste, dgımabde buhone msarhıbe leşan dmiqafe u uranium u dmitahıt ido acle. İAEA mırle’ste; En kmınqıl u materialano me duktho ğnızto, i mıcnayde d’noşo xıdicade abıc dmahıt ido acle’yo. A mbahnone heş meqım şato abiciwo dızzın li dukthathe, elo mcal fothe da taxtuşe dbeyn da hayle frişe, jbiriwo dmaklın u mazlathe.
Libya ba 2003 m’ayadwola dmahrıwo a zayne nukleer, biolojik u kemyawi dkıtwola u dlowela’ste soruhe ballistik dkibın dfayri zıd me 300 kilometre. Bıthır mu tedriyo d’Qaddafi ba 2011, kımdawım u qrobo folhoyo u folitiqoyo beyn da gabe frişe d’Libya-dkıtyo ucdo flığto beyn di şultonutho d’Trablus udi şultonutho du madınho du athro dkıtyo bu duyoqo d’Xalifa Haftar.