İbrahim Murad huwle maqırhonutho lu tboco froso calu şuryono dkibe dhowe b’Lebnon

U rişono du gabo du Huyodo Suryoyo Tibeloyo İbrahim Murad hule maqırhonutho lu tbocofroso, bıthır mi maqırhonutho dsımole u waziro di baroyutho d’Amerika bi sbutho du snodathe l’Lebnon.

 Murad bi maqırhonuthayde mırle: A şartat dmahıtla Amerika wan athrawotho Caraboye u Urifoye qum di şultonutho du athro leşan d’Lebnon dmiharıro mi diktatoriye, mi marıhbonutho, şartat dıkmahisi u camo d’Lebnone.

 İbrahim Murad bi maqırhonutho dhuwle komır: U qonuno da 1559 dkıtyo tibeloyo klozım dmitanhıt la haye. A şartat dmahıtlın a hayle Emwothoye qum Lebnon, u darbo ihidoyoyo dkibe maxlıs u camo mi diktatoriye, mi marhıbonutho, mi tuxmonoyutho, umi barbzonutho dmamtelın u athro l’darğo du iflas.

Murad komır; A haylani a qaşye d’rakiwi ucdo bi rişonutho di mdabronutho du athro, u tahte du ışmo dkobın qrobo mqabıl du emparyalizim, law kibın dmaqınci u camo. A Lebnonoye dkibın dımharır ruhaye mi qaşyutho umi diktatoriye dı rakiwo b’Lebnon.

U rişono d’USUP mırle; Bi sbuthathe u camo inaqla dobe fusqono u dmahıt klayto mqabıl di qaşyutho dkito, kısonıd a qonune beyn Emwothoye dıkmhafdi u athro, metul i mdabronutho’yo, dmamtelalan l’darğo dımzabnina a mulkoneydan. Cal mın knutrina yaste-knutrina dımzabnilan xıd grece ba bazare du zebono di noşutho.