İmarcitho di cito Suryoyto Ortodoksoyto du Swed frısla egartho cala tedbire du virus d’Corona

İ marcitho du Swed di cito suryoyto ortoduksoyto  frısla egartho dımşadro la citawotho laşan a tadbire du kewo du virus di Corana.

Bıthır mu knuşyo dsim adyoma bi rişonutho d’Mor Diyosqoros Benyamen Ataş wu rişmawtbo Suleyman Kurt mıdlın fusqone dımşari la citawotho kule.

Bi egartho dıktıcno i kirath ido di mcalyutho d’Mor Diyosqoros Beyamen Ataş wu rişmawtbo di marcitho Suleyman Kurt rızlın a qonune wa fusqone dıklozım a citawotho wa hadome dı manıhtilin la haye.

İ egartho dımşadro la citawotho du Swed dkıtne tabıc di marcitho du Swed kımşaryo ba melani; bıthır ma fusqone u tadbire dmıdla i şıltonutho du swed dımnıcla dmitaklın  a hfitwotho dıklotım 500 farsufe u hathe kiba mombrişe mıdlan fusqone u tadbire dı malxina aclaye.

Ba hfitwotho  du beroxo da cmode wa slawotho d’yawme dhuşabo lı kowe dı lotım sıttır me 400 farsufe ba citawotho u ba solone.

Lfuth a fusqone dmidi lıkmitahwe buruktho bi cito, bu zabno du tehwiyo du şlomo lı kowe mimodi a idotho elo kulha gıdmahıt ide cal sadre, u tehwiyo du fağro u kohno gıdmahatle cal ide du farsufo dı moyade, u lo b’feme, u nşoqo dkule mamnucyo, wa farsufe dkolın rahuqe me hdode bi cito.

Hdo ma nuqtotho hrene a farsufe dkıtne rabtır ma 70 ışne dkıtlın kewe wa naciemeste lıklosım othın la citawotho.

A hfitwotho xdu teqriyo wu ltomo da sobe wa madraşyotho d’Yawme dhuşabo kule maklın hul zabno, belhude i slutho wa qerowe gıdhowın ucdo.

Bıthır me kul hfitwotho lo kahwe u la tiyo lıkmitahwe.

Bu huthomo di egartho i marcitho ktılbo ma hadome u ma citawotho dmaydi a tadbire di nadafe dıklozım bu zabno du kewano dıkmimarbız bsurhobo.