25/03/2021

İmdabronutho d’Waşington kobo ulsoyutho rabtho dmiqafe şroyo aminoyo la fenyotho du garbiyo u du madınho d’Suriya

U tahlufo du mathlono dilonoyo d’Amerika b’Suriya David Brownştayn, mawdacle ba fulhone dıksaymo ucdo i mdabronutho d’Waşington, kobo ulsoyutho rabtho dmiqafe şroyo aminoyo la fenyotho du garbiyo u du madınho d’Suriya.

Brownştayn bi maqırhonutho dhule lu tboco froso mawdacleste, d’Amerika gıdfayşo b’esore qawye cami Mdabronutho yothoyto u cama Haylawotho d’Suriya Demoqratoyto.

U tahlufo du mathlono dilonoyo d’Amerika b’Suriya David Brownstein, bi maqırhonutho dhule l’Hawar , mawdacle dımşarele bi wolithayde bu garbiyo ubu madınho d’Suriya meqım 4 yarhe, u dsımle socurwotho la fenyotho kulle, uba socurwothani dımdamır calu qubolo rabo dsim ele umi caşinutho da came di fnitho.

U mşalo Amerikoyo maglele da fulhonathe bu zyudo dkulle kıkolın ucdo cali sbutho dmiqafe şroyo aminoyo la qetre dıkloqın a came du garbay madınho d’Suriya, u mırle; Kıfulhina b’ulsoyutho cam şorikaydan d’lawğıl ud’larwal, bnişo dmımte l’şroye dıkmamtın şlomo, u dfıqhi a haye me hatho leşan a tloye u l’dactid towo.Calu şuwolo ida dıkmıflıh ucdo leşan dmıxlıq şartat leşan bazare dıkmıştawtıfilın a gabe d’Suriya kulle, Brownstein mfanele dlatle ucdo funoyo bi sbutho dhowela i Mdabronutho yothoyto şawtofutho ba droşe dcalu dactid d’Suriya. Elo ulsoyo’yo dımdawmi i wolithathe, bnişo dmişatıs Mdabronutho yothoyto qwitho, dmıxlıq şlomo u mşaynutho la comure bıthır mi casqutho dcayişi ma marıhbone d’Dacış, udmıxlıq şartat towe l’bazare cama gabe d’Suriya kulle.

Brownstein dsımle qroyto la hayle dıkm’athri calu kriz d’Suriya dlaymi lu dialog u dkolın cala şroye folitiqoye u mırle; Qmırlan u qrobo dcali arco, wu ucdo klozım dkolina cali tarmitho du bnoyo udu şuşoto du momuno. Hano’yo u nişaydan bu maşıqlo dıbqamuthayna dnufqina moro la fenyotho dsim u hurorath. Ucdo mhalaqlan u zayno u athi u dawro da makinat du grofo dfulhi bi fnitho.

Camgabıdathe, Brownstein mawdacle di klayto d’Amerika li Mdabronutho yothoyto ula hayle d’QASAD lo mşahılfo, u mawxa gıdmdawmi dımqadmi mcadronwotho bnişo dmitarkıwo i şalyutho bi fnitho u mırle’ste; Marke komarno da esoraydan cami Mdabronutho yothoyto ucam QASAD gıdfayşi qawye, u gıdmdawmina dfulhina cami Mdabronuthathe leşan dımathlo a hiyoywotho umthoye u tawdithoye kulle dıkhoyın bu garbay madınho d’Suriya.

Check Also

İ sictho du hulmono di mdabronutho yothoyto hula mawduconutho rwıhto calu kewo di Corona

Tmınyo farsufe mayithi mi celtho du virus d’Corona, u zıd me 500 hrene tafilın u kewo ba f…