İmditho Suryoyto Barıtle mahto bu karanten

Imditho Suryoyto d’Barıtle di daşto d’Ninwe mahto kulonoyith bu karanten awkith mahıt mnoco du cboro nfoqo b’gawıd d’Barıtle.

 U fusqonano mid bıthır mıdtafi u virus d’Corona l’farsufo mu camaydan dıkfolıh bu bethdino dı Telkepe.

 A’mabuce dkıtlan bi mditho Suryoyto d’Barıtle di daşto d’Ninwe, makadlın dıtafi u virus d’Corona l’farsufo mu camaydan dıkhoye bi mditho, udıkfolıh xıd dayono bu bethdino di qastra dı Telkepe.

Cayni mabuce mawdaclın du virus d’Covid-19 tafi lu dayono Karam Gorgis mi celtho da nesore baroye dhawile camu kothubo da buqore dkıtwe kayiwo bu zabno du fulhonathe b’gawıd du bethdino dı Telkepe. Callathe u dayono Gorgis hani zabno dı tlotho yawme lıknofıq mu batayde u mahıtle ruhe bu karanten lfuth a’qonune u tedbire dımbaynila i şultonutho du Iraq.

Bebzabno, i sictho di mşaynutho wi sictho da krize mnıclın kulonoyith u cboro nfoqo b’gawıd di mditho d’Barıtle. U fusqonano dmafıt adyawma la haye bi şuctho da tarte d’falgıdyawmo gdımdawım hul yawme d’huşabo dıbqamuthayna dıknofıl hamşo bu yarhano.

Lfuth u fusqono dmid, balhude a’bethsamone wa farme du lahmo lıkmitafiti bu karanten dmahıt bi mditho Suryoyto d’Barıtle. Ubu zabno du karanten dgımdawım tlotho yawme, gıdmitandıfi a’şawthawotho kulle d’Barıtle wa comure gıdmıjbori dmaydi tedbire uloste gıdmimıd hşowo mkul farsufo dıkdoyış u qonuno.

I sictho da krize bi maqırhonutho dhula, mawdacla dmahıt mnoco cala radoyotho, cala motore, ucala darığyotho, wa haylawotho di mşaynutho gıdsıxri a darbone kulle dıkmasri i mditho d’Barıtle cama qıryawotho d’hedora.