04/08/2020

İmtakasto da Neşe d’Bethnahrin frısla buyono bi munasabe dcalu qtolğenso dsim cala Yezidoye

İ Mtakasto da Neşe d’Bethnahrin frısla buyono u krıhla u qtolğenso dsımlın a marhıbone d’Dacış cala Ezidoye di fnitho d’Şigur meqım şeth eşne 3 bu yarho d’Ob.

 İ Mtakasto bu buyoneyda sımla qrayto l’Emwotho Mhaydotho u la hayle hrene, dmahti klayto u d’sundi a Ezidoye d’Şigur.

 İ Mtakasto da Neşe d’Bethnahrin bu Iraq, bu buyono difrısla bu yawmo şatonoyo da 6 eşne du qtolğenso dsim cala Ezidoye b’Şigur ma ğruibe marhıbone  d’Dacış kımmo; Bu qtolğensano, a neşe wa tloye dhzelın barbroyutho rabtho latyo mede dıkmıtce. Camgabe dıqtil ba mowat htife, a neşe, a tloye wa claymotho bıthır mzabni ba şuqone xıd mal u grece di ğensoyutho.

İ Mtakasto da Neşe mırla; A marhıbone d’Dacış lo fayış mede dilo sımlın ba came şerşoye d’Bethnahrin mu qatlo, mi barbroyutho wu medano hawi qum caynothe dibritho. Kmitamır d’Dacış matım inaqlayo kımşaylina haykone a neşe wa nacime da Ezidoye dıhtifi? Haykoyo i şultonutho du Iraq mın ksaymo la Ezidoye u la came hrene di fnitho? Bu zabnano dfayişi a dukothani tahte da hjome dıksaymo Turkiya cal du camo Ezidoyo, u camo Kaldoyo-Suryoyo- Othuroyo’ste dıkhoze husrone rabe.

İ Matkasto da Neşe d’Bethnahrin bu buyonayda kımmo; Ahna kımqadmina u snodeydan la şutose u tukose da Ezidoye gawonoyith ula neşe Ezidoye dilonoyith. Ksaymina qrayto la hayle qlimoye u Emwothoye, dmahti i klaytathe camu camo Ezidoyo u cama came hrene di fnitho, u dmitahwelın sutoro Emwothoyo ban arcothathe a şırşoye. İnaqlayo a camani lıkfayşi tahte du şucbodo d’ğer hayle.