İnterpol lıkımdaxıl ba şwole folitiqoye da athrawotho hadomeyde

U İran fsıqle dmosık baynothaye, u rişono d’Amerika Donald Trump u 36 mşale d’Amerika.

 Bi mawdconutho dımşadarle u İran lu İnterpol calu msokano, dacırle funoyo dlıkmdaxıl ba sebwotho folitiqoye dkowın banathrawotho mşahılfe dkıtne hadome b’İnterpol.

Bu fusqonano dmawdacle u İran kito u rişono d’Amerika Donald Trump awkith u İnterpol kibe mosık u rişono Trump u 35 mşale hrene du athro cal dıkmıthomi bu qatlo du rişono du faylaq du kudus da nature qawmoye du İran Qasim Suleymani.

Lfuth u fusqonano dmıdle u İran, tlıble me İnterpol dkıtyo u haylo di mşaynutho tibeloyto bi sbuthathe. Bi sbuthathe u şutoso du İnterpol hule funoyo li bocutho du İran u mırle ahna lıkımdaxlina ba sıbwotho folitiqoye, bu şıklano khozina u fusqonano du İran folitiqoyoyo. Me gabo hreno lfuth a tebe dıfrisi bu hjomo furqocoyo dhawi cali radayto dha ma rişone da nature qamwoye du İran mjarıh.

U hjomano athi lu hwoyo  bi fnitho sistan Beluçistan dmahatwo foquctho bu darbo dı fayitowa i radayto du mşalano dlımawdıc ışme. U mede dıkgorış u zuhoro  kmıthım falqo mu gayso du İran dıkmitawmarle Haylo di kinutho Ceyşul Adıl.