12/02/2023

İranoye tlıblın u Huyodo d’Urifi dmahıt a Noture du Qawmo du İran bi lohithayde di marhıbonutho

Ban alfayo d’İranoye dıkcayşi b’Urifi u acmaye u ahıl da mtagliyone dkıtne ba hbuşye du İran, mtayablın taklitho rabtho bi mdito d’Paris d’Fransa. U talab rişoyo da mtagliyone’ste, du Huyodo d’Urifi dmahıt a Noture du Qawmo du İran bi lohithayde di marhıbonutho’we.

12/02/2023

PARIS – Athmıl b’falqo di arişkoyto d’Fransa sımwo taglitho mqabıl di şultonutho calu reform di mşawtıbutho ubı falqo hreno di mdito’ste, mtayabwo taglitho hreto ma İranoye dıkcayşi bi golutho. Li taglithathe, mıştawtaflela ban alfayo dıbnaynoşo dmahwelın u hfuxyathe mqabıl du rejim İranoyo.

A İranoye di golutho; beynothaye ahıl da dıbhe dkıtne msike bu İran, folitiqore Franşoye u farsufe hfite, tlıblın mu Huyodo d’Urifi dmahıt a Noture du Qawmo du İran bi lohithayde di marhıbonutho. Bebzabno a mtagliyone mazcaqe slogane mqabıl du rejim d’Tehran u mırlın’ste; Neşe Haye Hirutho

A mtagliyone mırlın; U nişaydan bi taglithathe, da wazire du Huyodo d’Urifi dşumci u qolo da İranoye’yo. U mede ulsoyo u manfıcono dkiba Urifi dsaymo leşan u snodo du qawmo du camo, dımfaşqo a Noture du Qawmo du İran xıd ğrob marhıbono’yo. An athrawotho hadome du huyodo, klozım dqutci a esorathe a momunoye mu İran calu cnufyano dıkmaşe mqabıl du camo d’ruhe.