03/09/2020

İsbutho du cameydan gıdhuwyo falqo ma bazare du şroyo folitiqoyo d’Suriya

U rişono zawgoyo du gabo du Huyodo Suryoyo d’Suriya Sanharib Barsom, makadle di sbutho du camo Suryoyo-Othuroyo gıdhuwyo falqo ma bazare du şroyo folitiqoyo du kriz d’Suriya b’Çenev.

 Me gabo hreno, u rişono zawgoyo du Mawtbo d’Suriya demoqratoyto-MSD Riyad Darrar, mawdacle dlaybe dmiqafe şroyo lu kriz folitiqoyo d’Suriya, dlo mi awyutho dbeyn dan athrawotho rabe dı britho Amerika u Rusya.

 Bi maqırhonutho dilonoyto dhule lu froshezwo d’Suroyo TV, u rişono zawgoyo du gabo du Huyodo Suryoyo Sanharib Barsom mırle; A zedqe wa sebwotho du camo Suryoyo-Othuroyo gıdhowın falqo asasi da bazare du şroyo folitiqoyo b’Çenev, lfuth u qyomo du fhomo dımdhe b’Mosko, beyn du Mawtbo d’Suriya Demoqratoyto udu gabo du Sebyono Camoyo.

Barsom mawdacleste dlaybe dmihalıq dawse rişoyto bu taro du şroyo du kriz folitiqoyo d’Suriya, dlo miqafe şroyo dıkşowe li sbutho du camo Suryoyo-Othuroyo şerşoyo d’Suriya, awkith klozım dmitıctarıf bi hiyoyutho umthoyto du camaydan mxasra, u dmisım u garanti dmitafiti a zedqe du camaydan kulle folitiqoye u marduthoye bu nomuso esonoyo hatho d’Suriya mxasra hreto.

Bebzabno, u rişono zawgoyo d’GHS dmıştawtafle la ytawyotho d’Mosko makadle du qyomo du fhomo dımde beyn d’MSD wu gabo du Sebyono Camoyo kmıhşıw dawse ulsoyto u asasi dmımte lu şroyo folitiqoyo dkımşarır a nişe da came mşahılfe d’Suriya b’athro demoqratoyo lo qentrunoyo.

Megabo hreno, u rişono zawgoyo d’MSD Riyad Darrar mırle;U kriz d’Suriya laybe dmışre, dlowe awyutho beyn Amerika u Rusya. Darrar mawdacle du qrobo dkito beyn Amerika u Rusya cal Suriya, ktore a hayle qlimoye dmıski ba lbuşe d’Amerika ya d’Rusya, wu medano tırpıltoyo qum du şroyo folitiqoyo.

Mxasra hreto, u notarrozo du gabo du sebyono camoyo Qadri Jamil, mawdacle du qyomo du fhomo dımdhe cam MSD kmıhşıw dawse dilonoyto ba haye folitiqoye d’Suriya. Jamil mawdacleste dıkmtaybi ruhaye leşan dhowelın methcadronutho u qariwutho zıttır camu Mawtbo d’Suriya Demoqratoyto u dilonoyith ba droşe uba bazare du şroyo folitiqoyo dıklozım dmıştawtaflın MSD.

Check Also

A gabe u tukose komonist u semoloye mawdelın bu Sayfo da 1915

A gabe  u tukose  komonist baynothemwothoye frıslın maqırhonutho dıkmawdin bu sayfo du cam…