İsroyel ksındo u Yawnan mqabıl Turkiya

Bıthır ma athrawotho d’Urifi dmahwelın u snodathe lu Yawnan u li Gozarto d’Qufrus mqabıl d’Turkiya, ucdoste İsroyel mahwela usnodayda lu Yawnan.

 Bi maqırhonutho dsımla i wazirutho di baroyutho d’İsroyel mırla; Ahna ksındina u Yawnan mqabıl d’Turkiya.

 İsbutho di mwatyutho dkito bayn Turkiya u lu Yawnan anathrawotho dkıtne bu qlimo u dilonoyith hani dkıtlın thumutho bu yamo mıscoyo kımşarın dmahwın i klayto dkıtlın.

Bıthır mi klayto d’mahıtle u huyodo d’Urifi u Amerika mawdacwolın dıglıqyo u Yawnan ramhıl yawme dı cruto laşan dırşo i mwatyuthathe dkito, u athro d’İsroyelste maqrahle cali klayto dkıtle.

Bi maqırhonutho dsimo mi wazirutho di baroyutho d’İsroyel mawdacla dıgsındo u athro du Yawnan mqabıl d’Turkiya. Bi sbutho di mawtyuthathe dkito bayn lu Yawnan u l’Turkiya kowe maqırhonwotho mşahılfe, matre tarafe elo netije du şroyo du qatro layto.