İsroyel mhela b’dukotho mşahlıfe d’Suriya

İsroyel naqa hreto mhela dukotho mşahılfe bgawe da thume d’Suriya laşan dı mandıfo amarıhbone dkıtne mqabıl d’İsroyel.

 Lfuth a tebe dıfrisi bi sbutho du mhoyano a tayısyotho du gayso d’İsroyel  qtilin 3 farsufe bu mhoyo dımhelın Knuytra dkıtyo bu taymno d’Darmsuq.

İsroyel mawdacla dımhela dukotho frişe b’Suriya metul dkito mşale da marıhbone u be bzabno dukotho du gayso d’Suriya. Bu mhoyo oyaroyo dsımle u athro d’İsroyel calu darbo da tayısyotho mhele a dukotho Kahtaniye u Hurriye dkıtne masre b’Knuytra.

Lfuth tebe hrene dıfrisi İsroyel mawdacla dımhela ha mşalo İranoyo u mjarahla 3 folhe d’Suriya. Bi mawduconutho d’hula İsroyel kmawdıco d’kulnaqqa gıdmıhyo dukotho b’Suriya inaqa dmahiso dkito farsufe dkıtne qento awste dkibın mamtın qento l’İsroyel.

İdicoyo d’İsroyel wu Iraq kulnaqqa kıtlın maqırhonwotho dkıtne malye gzome mqabıl dıhdode elo, İsroyel bu zabno haroyo mazıdla a hjome dıksaymo cal Suriya bnişo dmıhyo mşale d’Hızbullah, mşale da cihadist Fleştoye u mşale İranoye dkıtne b’Suriya.