05/05/2021

İsroyel sımla hçome oyaroye cal noqazyotho folhoye bi Latqiye

İsroyel sımla hçome oyaroye hathe cal nuqazyotho folhoye hedor a mdinotho di Ladhqiye u d’Hama bu athro d’Suriya.

Lfuth i Mşatasto  da zedqe noşoye d’Suriya, ba hçomani dımfarqıc ebaye cambare du zayno, qtil farsufo mdinoyo u mçarıh hul 20 hrene.

U froshezwo d’Alcarabiya Alhadath, mawdacle du haylo oyaroyo d’İsroyel sımle hçome hathe cal Suriya adyawma ba şoce d’fothıdsafro, u mathkarle ste du hçomano i naqla qamayto yo dıkmisım cali hiğmonutho di Ladhqiye dkıtyo i dargışto du rişono du rejim Başşar Alasad, udkıtyo ste qaruto mi nuqazto folhoyto oyaroyto d’Rusya Hmemim.

Bebzabno, u froshezwo d’Alcarabiya Alhadath grışle u zuhoro calu tboco froso du rejim dmawdacle du haylo di mudafaca oyaroyto madrele menyomo ma soruhe İsarloye dımfarqaclın dukotho mşahılfe baynothaye u macımlo du plastik di Ladhqiye, u dukotho hrene dıknıfli ba mdinotho d’Misyaf ud’Alhıffe bu macırbo di hiğmonutho d’Hama.

Lfuth Alcarabiya Alhadath, ha ma rabayhaylawotho dıfliğ ma haylawotho du rejim bi maqırhonutho dhule l’Reuters, mawdacle du hçomo İsarloyo sim cali qastra d’Jable bi hiğmonutho di Ladhqiye dkıtyo i nuqazto di qalilutho da Calawiye d’Suriya dkıtyo Alasad ha ma n’abnayda.

Camgabıdathe, i mşatasto d’Suriya da zedqe noşoye mawdacla d’hçome İsarloye simi cal nuqazyotho folhoye du rejim uda grube bnayqyome du İran hedor da mdinotho di Ladhqiye ud’Hama. Bi Ladhqiye u hçomo sim cal nuqazyotho folhoye u cambare du zayno bu taymno d’Alhıffe, ubi xasra d’Hama u hçomo sim cal cambare du zayno uda buğre dıknıfli ba turone uba cobe di fnitho dı Der Şmil.

Cala hçomani dsimi adyawma ba şoce dfothıdsafo, İsroyel xıd kul naqla lula maqırhonutho lu tboco froso. Meqım mathe, mçarahwo arbıco folhe du rejim bu hçomo dsımwola İsroyel bi harayto du yarho d’Nison dşaficina cali fnitho d’Allıdmer bı Darımsuq.

Check Also

A gabe u tukose komonist u semoloye mawdelın bu Sayfo da 1915

A gabe  u tukose  komonist baynothemwothoye frıslın maqırhonutho dıkmawdin bu sayfo du cam…