İvan Yahkub mraşho li wazirutho di galwoyutho

Bayn da wazire di şıltonutho du athro du Iraq dıgmişatso kmibayın kito hıdo mu cameydan dıgduyo wazırto da galwoye. İvan Fayıq Yahkub dkıtyo mawlato da 1981 bi mditho d’Basra mraşho dhuyo wazırto da galwoye bi şıltonutho du Iraq.

Bıthır me zabno yarixo dlımşatıs şıltonutho bu athro du Iraq ucdo Mustafa Elkathami u farsufo dımbayanwo mu rişqutno Barham Salıh mawdacle i qoyumto da wazire di şıltonutho dkobıc mşatıs.

Bgawe di qoyumtathe kito hıdo mu cameydan dkıtyo İvan Yackub dıgduyo wazırto da galwoye du Iraq dkıtne bi golutho.

İvan dkıtyo athto mu cameydan dmıdla mşaluwotho mşahlıfe qırela madraşyotho celoye baynothaye bethsawbo yulfono bıhaq da wirusat.

En i şıltonutho hathto dmitaqıblo inaqayo İvan gıdhuyo wazırto da galwoye.