Jeffry mawdacle gıdsındi kul fulhono di kinutho u myodo du hşowo cala gunhe dsımle u rejim d’Suriya

U mathlono dilonoyo d’Amerika bu athro d’Suriya Jayms Jeffry, mawdacle d’Waşington ksındo afulhone di kinutho udu myodo du hşowo cala gunhe dsımle u rejim d’Suriya bhaq du camo.

Be bzabno, Jeffry mawdacle dıklozım u kenşo emwothoyo dmihayıd bnişo dmişarıro i kinutho udmimıd u hşowo mu rejim d’Al Asad, cal dkıtyo u medano falqo dlıkmıflığ mu sutoro da zedqe noşoye.

U mathlono dilonoyo d’Amerika bu athro d’Suriya Jayms Jeffry, athmıl laqi bı menyono celoyo dı hfite Suriye, u mathlone d’şutose dlatne masre cami şultonutho d’Suriya.

Bi lqoytathe, Jeffry makadle d’Amerika ksındo afulhone dmişarrıro i kinutho udmimıd hşowo la debhe da gunhe dsımle u rejim d’Al Asad bhaq dıththe.

Jeffry mawdacleste du kenşo emwothoyo klozım dımhayıd afulhonayde bnişo dmitaqwın afulhone di kinutho udu myodo du hşowo mu rejim d’Suriya, cal dkıtyo falqo dlıkmıflığ mu sutoro da zedqe noşoye, lfuth u qonuno du mawtbo di mşaynutho d’Emwotho Mhaydotho da 2254.

Meqım mathe, u waziro di baroyutho d’Amerika Mayk Pompeo bi maqırhonutho dıfrıswole bi dafayde du Twiter bi cohnutho da 9 ışne du qawmo d’Suriya mırwole ”meqım 9 ışne u camo d’Suriya mşarewole b’şıkıl mşayno ba tagılyotho du protesto mqabıl du rejim d’Suriya, laşan dıtolıb a’zedqayde wu neshonayde”. Pompeo makadwoleste du camo d’Suriya kşowe dcoyış b’şlomo ubı mşaynutho ma zayne kimyawi, ma barmile malye foqucwotho, ma hjome oyaroye, ma hbuşye, ma teşniqe umu kafno.

U mawtbo da sinatore d’Amerika bu quwolo dsımwole bi harayto di şato dşaficina, mbayanwole i butja du Pentagon dıkmıtyo l’738 milyare dı dolare. Bu quwolo dsımwo cali butja, huwwoste fsoso dmitahıt tedbire rabe mqabıl d’Suriya, du İran ud’Rusya mfothıd da gunhe dsımlın b’Suriya bu ışmo du qonuno d’Qaysar.