Jerenofiski tlıble ma Rusoye dlızın l’Turkiya

 Bıthır mdıhçim cal tlotho barmothoye Rusoye bi mditho d’Stanbul, rişono d’gabo saqıbloyo d’Rusya sımle qroyto la barmothoye du athrayde dlıhızqi l’Turkiya cal dkıtyo u athro rabo dkulle di hile u dlayto ebe tuxlono.

U rişono du gabo liberaloyo demoqratoyo d’Rusya Fladimer Jerenofiski, bıthır mu hçomo dsim cal barmothoye Rusoye b’Stanbul, mşaçacle a’Rusoye du athro dlıhızqi l’Turkiya.

Jerenofiski bu mamlo dsımle bi sbutho du gunho dhawi b’Stanbul mırle “layto sniqutho dmizıl l’Turkiya dkıtyo u athro rabo dkulle di hile u dlayto tuxlono ebe”.

Meqım mathe, u ajans da tebe d’Riya Novosti mawdacwole d’farsufo dıkmaltın u zawlo dışme Hasen Husayn, hçımwole yawme d’Huşabo dşaficina bi skino cal tlotho barmothoye Rusoye baynothaye gabro u tarte neşe bi mditho d’Stanbul. Lfuth i izgadutho Rusoyto dkıtyo b’Stanbul, atlotho farsufani nqili li bethkrihe wi aykanoyutho dhın menaye bu qentoyo.