10/04/2022

Josef Fares wi şırkayde Hazelight Studios mdaşni 2 şukone ba BAFTA Games Awards

Josef Fares dkıtyo man abne du camaydan bu Swed, mdaşın şukono du teştcınyo di şato, bi Gala da teştcınye du komputer-Bafta dıkmisım b’Britania. Josef Fares wi şırkayde du syomo da teştcınye du komputer, mdaşni’ste cala fulhone dsımlın bu teştcınyo d’ışme.

10/04/2022

Josef Farıs dkıtyo mu camaydan u Suryoyo d’Lebnon, mgalwewole mi nıcmuthayde li mdito d’Örebro du Swed u qrewole calu tbocofroso u bıthır’ste Dramatiska institutet wu adyawma-hem mıştacyono da flime’yo, kathowo u sayomo da flime’yo u hemste kıxolıq teştcınye du komputer.

Bi gala da BAFTA Games Awards dsim b’Britania, qmırle Josef Fares wi şırkayde Hazelight Studios 2 şukone – bu haqlo da fulhone dsımme leşan teştcınyo d’ışme ‘İt Takes Two’ wu şukono du produkt orginal u best multiplayer uğer.

Bu mamlo dsımle Fares inaqla dmıstaqbele a şukonayde bi gala mawdacle, dlo notarwo dqomır mede wu ucdo ğalabe fsihoyo’yo u kıtle şubhoro cala şukone dmıdle. Josef Fares mhanele a mtaybone di gala wa farsufe kulle dıkfulhi acme.

Hathe latyo inaqla qamayto d’Fares kmidaşın şukono. Ba teşriyotho da 2021’ste qmırwole u teştcınyo di şato-b’Games Awards wu mzabanwo hol 5 milyone teştcınye. U şukono rişoyo di galathe d’adşato, mdaşın l’teştcınyo d’Finland ‘Returnal’ dmawfaqwo ba 2021 u dqayıthle ğalabe sturye msimone.