23/02/2021

Josef Hawil mathkarle u yowmo tibeloyo du leşono emhoyo

U rişono di mdito d’Hume d’Australia Josef Hawil, mathkarle u yawmo tibeloyo du leşono Emhoyo.

 Hawil bi maqırhonutho dfrısle, tlıble ma yaqrotho du camaydan dmawlıfi a nacimaththe u leşono Suryoyo u dmramrımile.

Bi cohnutho du yawmo tibeloyo du leşono emhoyo, u rişono di mditho d’Hyum d’Australya Josef Hawil dkıtyo farsufo mu camaydan frısle maqırhonutho lu tboco froso.

Bi maqırhonuthayde Hawil komır “xıd camo şerşoyo d’Bethnahrin ba falqayde kulle, kıtlan şubhoro dkımdawmina dnıfqina moro lu leşonayda u Suryoyo ba leczayde kulle”.

Hawil mawdacle ste dıbritho kula bu siqumo d’21 bu yarho d’Şbot mkul şato kımcaydo u yawmo tibeloyo du leşono emhoyo, dkıtyo yawmo mbayno la marduwotho u hiyoywotho mşahılfe, udmınfıq moro la leşone dkıtne bu qento du qşoco.

Hawil mathkarle ste du yawmano mcayıd i naqla qamayto bi mditho d’Bangıladeş i şato da 2000, u grışle u zuhoro cal 6 alfo leşono mşahılfe bıbritho dıkmihadıdi ucdo bu qşoco, u hawxa mdawamle “cıl mıdathi b’rişıd di mdinoyuthaydan udu camaydan u Kaldoyo Suryoyo Othuroyo ba mathhabe mşahılfe dkıtle, elo naqla hreto kımdawmina hul adyawma dfayşina mnatrone, ukmıçğılina u leşonaydan dkıtyo u leşono d’Yeşuc Mşiho”.

U rişono di mditho d’Hyum d’Australya Josef Hawil, bu huthomo di maqırhonuthayde, tlıble ma yaqrotho du camaydan dmawlıfi a’nacimaththe u leşono Suryoyo emhoyo mramrımo.

Check Also

İ sictho du hulmono di mdabronutho yothoyto hula mawduconutho rwıhto calu kewo di Corona

Tmınyo farsufe mayithi mi celtho du virus d’Corona, u zıd me 500 hrene tafilın u kewo ba f…