Kamıl u halxo di HDP laşan i demoqratoyutho

A mtagliyone du gabo Demoqratoyo da Came HDP dımhalaxlın leşan i demoqratoyutho b’Turkiya, matın li arişkoyto Ankara.

 Bi maqırhonutho dhuwla HDP mırla; İ taglitho dımşarewola mi mditho d’Edirne ume Hakkari l’Ankara bu ışmo; Leşan i demoqratoyutho u mqabıl du inqilab folitiqoyo b’Turkiya, athmıl casriye kamilo.

İ taglithathe dmabdewolın a hadome du gabo Demoqratoyo da Came xıd halxo mu macırbo d’Edirne umu qlimo d’Hakkari holi mditho d’Ankara, athmıl lafa 5 d’casriye matın li arişkoyto d’Turkiya. Mawdıc da halxani mşarewolın 15 bu yarhano me Hakkari u Edirne u athmıl 20 bu yarho, matın amtagliyone l’Ankara.

I taglithathe simowa xıd protesto mqabıl du teqimo di hasinutho da 2 qoyume d’HDP Leyla Güven u Musa Farisoğullari ucala hjome du gabo d’AKP cali saqıbloyutho. I kampanyathe mahıtwo ışma; Tahrazto du ağuno leşan i demoqratoyutho, simo leşan dmıtlıb funoyo u dmiqadmi a talabe da şutose kenşoye kulle.

Bu huthomo di taglithathe dhadırila a rişone zawgoye d’HDP sim mamle frişe ma qoyume du gabo u ba casrowat d’mathlone d’şutose şarye u griş u zuhoro cali siyase di şultonutho, cala msoke da rişone da karxwotho ucalu ağuno dıkmitahwe leşan a zedqe asasi u mqabıl dilo kinutho dkito bu athro. U polis Turkoyoste mnasele dmakle i mıştawtıfonutho du camo lu mitingano.