Kımdawmi a taxtuşe bayn du rejim d’Suriya u d’Turkiya b’İdlib

A taxtuşe bayn da gurube marıhbone dıkmısnodi me Turkiya u la gurube di şıltonutho d’Suriya bifnitho d’İdlib hawi tre yawme kımdawmi.

 Lfuth amawdconwotho dathın mu qlimo qtil 7 farsufe matre gabe.

Mu zabno di şalyuthzayno dhawyo bayn Rusya l’Turkiya u li şıltonutho d’Suriya lı kalın a taxtuşe bi fnitho d’İdlib. Athmıl naqqa hreto nafıq taxtuşe bayn la gurube marıhbone dıgsındolın Turkiya u la haylawotho du Rejim d’Suriya bi fnitho d’İdlib d’Suriya.

Lfuth u tboco froso atre gurubani da tarte şıltonwotho mşarelın athmıl ba turone d’Jabal Alzawiye u kımdawmi.

Ba taxtuşani hol ucdo qtil 4 hayle du falqo d’Turkiya u 3 ma folhe du rejim d’Suriya.

Lfuth imşatasto da zedqe noşoye d’Suriya bhın dukothe hrene kımdawmi a taxtuşe bayn la haylawotho d’Turkiya u d’Suriya elo calu mınyono da qtiloye u da jrihe layto mawdconutho.