Kito mraşhe mu cameydan la ğuboye qlimoye da karxwotho d’Viyana

Bu athro d’Austurya gıdmisomi a ğuboye qlimoye da karxwotho u da mawtbe da şawthawotho di arişkoyto Viyana.

 Ba ğuboyani, kito tıre farsufe mu cameydan la mawtbe da karxwotho ula mawtbe da şawthawotho.

 Ba ğubayani dgımisomi 11 bu yarho dıbqamuthayna gıdminaqın a hadome da mawtbe di karxutho wa mawtbe da şawthawotho di arışkoyto d’Austurya Viyana.

Bı Viyana kito 23 şawthawotho dkıtte ışmone frişe u bebzabno kmidoci ba raqme me 1 u hul 23.

La ğuboyani aqlimoye kito 2 folitiqoye mu cameydan,dımraşahlın ruhaye leşan dmaydi duktho ba mawtbe di karxutho u da şawthawotho. Gabriel Jona dkıtyo 28 eşne, mraşahle ruhe bi şawtho da 10 d’Viyana, dıkmitamırla faworit mu gabo ÖVP dkıtyo gabo qariwo la Mşihoye.

U Gabriel kcowıd bu mawtbo du gabo d’ÖVP di karxutho leşan dmihafıd cala zedqe noşoye. U camo di şawtho da 10 d’Viyana kibe dobe u qolaye lu Gabriel. Bebzabno bu mamlo sımla mraşahto du camaydan mırla; Ono Siham İşlek u falıhto bi karxıtho d’Viyana calu ferco da zedqe da tloye.

Siham İşlek mraşhla ruha lu mawtbo celoyo di karxutho d’Viyana u bebzabno lu mawtbo di şawtho da 21 dıkmitamırla Florinsdoff d’Viyana. Ba guboyani a qlimoye dıgdowın 11 bu yarho d’Teşrin u haroyo, a mraşhe Suryoye kınutri u snodo du camathe leşan dhowın u qolathe ba mawtbe dımraşahlın ruhaye eleye.