Kmibıc dmizabno i cito d’Mor Yuhanun b’Mırde

B’Turkiya kmahwe ya citotho gıdmisomi masığde yaste gıdmitawfıqi lu zebono xıd bınyone kyonoye.

İ cito d’Mor Yuhanun dkıtyo bi mditho d’Merde d’Turkiya mawfıqo lu zebono xıd bınyono, cıl mıd kmidoco dkıtyo cito dıkmote u maktabzabneyda lu doro rbicoyo di mşihoyutho.

İ citathe d’Mor Yahanun dıgdocır u maktabzabneyda l’alfo u 700 ışne ucdo kmitıstacmılo xıd cambar du mal mu taraf dıha farsufo dkıtyo ışme İbrahim Aycun.

İ cito d’Mor Yahanun dkıtyo bi mditho maktabzabnoyto d’Merde inaqa da tarteyo kmitawfıqo lu zebono xıd bınyono kyonoyo cambar du mal.

Lfuth u tboco froso qlimoyo d’Turkiya kmitahke bi citathe kito tıre qawre da fatıryarxe di cito suryoyto Ortodoksoyto, u bebzabno a şurone kımthabti dkıtwa cito rabtho u mşamahto bi cımareyda.

U farsufano dkobıc mzabanla ktolıb timo d’7 mılyune u 250 lirat d’turkiya time di citathe.

Bıthır mıd friso i mawdconutho du zebono di citathe a şutose du cameydan mahwelın hfuxyo dkımmi klozım hathe mitasılmo la waqfat du camo Suryoyo u lo mizabno xıd bınyono dcambar.

Bebzabno u şutoso da bethcatiqotho d‘Merdeste hule maqırhonutho u mırle fawdoyo dmizabno i cito elo lı qudrina saymina mede.

Bu dumyano kmahwe b’Turkiya bu zabnano du rişqutno Erdoğan ksoyım sturyo u rişono d’Fransa Emanuel Macron dkomır ksoyım hjomo cali maşılmonutho u Macron komır ono ksamno sturyo i maşılmonutho tuxmonoyto kmitawfıqo cito lu zebono xıd cambar.