Kmitaltım mcadronutho lu camo d’Lebnon

Bıthır ma furqoce dhawın b’Lebnon, u camo fayış dlo bote u hın mneye dlo muklo u dlo darmone. Mawxa a şutose du cameydan u Suryoyo-Othuroyo mşarelın dsaymi kampanyat di mcadronutho l’Lebnon.

 Bi tahrazto dsımwo athmıl b’Suroyo tv, u cameydan mahwewole u snodeyde lu cameydan d’Lebnon, u be bzabno i sfaryawmo d’Aftonbladet du Swed mahkewola calu şutoso d’ADFA dkıtyo bi rişonutho d’Nuri Kino, dmalımle mcadronutho la sniqoye d’Lebnon.

 Bıthır mu gunho dhawi calu cameydan u Suryoyo Marunoyo d’Lebnon, şutose tawdithoye u camoye mşarelın dsaymi kampanyat du teltimo di mcadronutho leşan dsındi u cameydan d’Lebnon.

Athmıl bi tahrazto haytho dsımwo bu froshezwo d’Suroyo bu darbo du gabo du Huyodo Suryoyo Tibeloyomalımwo zuze mu cameydan, leşan dmişadri la sniqoye d’Lebnon, U Slibo Suryoyo di mcadronutho camu şutoso d’Şlomo mqadamwolın mcadronutho d’10 alfo euro lu cameydan d’Lebnon.

Me gabo hreno athmıl bu tebo dhuwola i sfaryawmo rabtho du Swed Aftonbladet mahkela cali mcadronutho dımalımle u şutoso d’ADFA dkıtyo u mşatsoneyde u gelyunoro şaryo Nuri Kino dımahkele, ba zuze dıkmalimi a mathlonathe b’Lebnon gıdzawni muklo u sniqwotho u gıdmfarqıne lu camo.

Ba tebe dfrıswo meqım mawdacwolan, dhın ma marcyotho di cito Suryoyto Orthoduksoyto kmaltımi mcadronutho la sniqoye. Me gabo hreno a şutose du cameydam u Marunoyo Suryoyoste mşarele b’athrawotho mşahılfe dmalım  mcadronwotho lu athro d’Lebnon.