Kmıtlıb dmibayın malfone hathe lu tewlifo du leşono Suryoyo bi bethsawbo d’Bağdede

İmdabronutho gawonoyto du yulfono Suryoyo bu Iraq, tlıbla dmibayın malfone hathe lu tewlifo du leşono Suryoyo bi bethsawbo d’Bağdede di daşto d’Ninwe.

 U talabano athi luhwoyo bi ytawto dhawile u rişono di mdabronutho gawonoyto du yulfono Suryoyo Cimad Jajjo, camu rişono di bethsawbo da leşono d’Boğdod Muwaffaq Jawad.

 U rişono di mdabronutho gawonoyto du yulfono Suryoyo bu Iraq Cimad Salım Jajjo, athmıl cami mcadronithayde Nidal Matti, sımlın socurutho lu rişono di bethsawbo da leşono d’Boğdod Muwaffaq Jawad.

Bi ytawtathe kle bu zyudo dkulle cali ulsoyutho ucala mkone dkito dmişadır malfone hathe du leşono Suryoyo lu qentrun d’Ninwe da buhone di bethsawbo ftıhto u ferco d’Bağdede du leşono Suryoyo, laşan dmitaqrın a’yolufe du şbilo di şato hathto da 2021.

Bi ytawtathe, drişi ste a’hfitwotho ulsoye dıksaymolın i mdabronutho gawonoyto du yulfono Suryoyo wa dawsat dımhalqila hul ucdo, u grişıste u zuhoro cala mkone dhowe methcadronutho mşawtafto bayn di mdabronutho gawonoyto wi bethsawbo da leşone d’Boğdod, bi mtaybonutho da hfitwotho marduthoye.